Lama engga nge-blog, malah Jazz Kaltim (JK) menemukan seorang Jazzer dari Betawi (Jakarta – RED) menuliskan blog tentang JAZZ dalam bahasa Betawi. Namanya Bang Naip, ini seri ke 1 tulisan di blognya yang ada di http://naive7.wordpress.com sebagai berikut:
Bang Naip perasaan belon pernah cerite bahwa doi sebenernye gile banget ame kedoyanannye, entu tuh musik bergenre JAZZ. Udeh gitu, entah pegimane, kebetulan tetangganye doi di Kampung Melayu Besar, Tebet nyang juga temen nongkrong dari masa mudanye dulu maniak-maniak musik JAZZ. Soal kenape Bang Naip jadi doyan ame musik JAZZ ade historisnye nih.
Sewaktu Bang Naip masih kecil banget, sebangse umuran 6 taonan dah, doi kena cekok ame musik JAZZ dari kaset abangnye doi. Maklum jaman dulu sewaktu abang en mpok nye Bang Naip pade masih bujangan, pan tinggal serumah ame enyak babenye! Nah, kaset tape recorder taon entu baru juga keluar model barunye, khususnye merk Sony dah tuh.
Sementare, abang en empoknye bang naip kedoyanan musiknye macem2, abang nyang nomor atu doyan ame musik JAZZ mainstream classic. Abang nyang nomor 2 doyan ame musik bangsenye Simon & Garfunkel, Cliff Richard, etc. Abang nomor 3 doyan ame The Beatles, Elvis Presley, dsb. Mpoknye doyan pop JAZZ gituh, sebangse Rien Djamain, Margie Segers, Ermy Kulit, dsb.
Dirumah entu, abangnye bang naip nyang nomor atu punye hak prerogatif buat nentuin kapan doi nyetel musik kedoyanannye selagi doi di rumah. Yaitu musik JAZZ instrumen dari sub-genre JAZZ standard mainstream classic. Bangsenye nyang maen namenye Paul Desmond, Dizzie Gillespie, Dave Brubeck en rekan-rekan dah! Waktu entu nyang hits lagunye (sebenernye ampe sekarang sih!) judulnye Take Five. Mirip-mirip ame jaman waktu lagu “Take The A Train” ngehits, muncul sebagai lagu “kebangsaan” musisi JAZZ sebagai musik standard JAZZ mainstream.
Bisa dibayangin waktu entu Bang Naip kecil dicekokin tiap hari ame lagu2 entu, secara alam bawah sadar, Bang Naip remaja jadi doyan banget ame musik JAZZ jenis kayak entu. Sampe sekarang dah!
Allright…Man, All That Jazz !!
2 komentar
Comments feed for this article
13 November 2010 pada 21:31
frees
bang naip kalo di tempat aye, sekeluarge kite doyan jazz juga…..
13 November 2010 pada 21:32
centil 003
salam jazz selalu dah…. tolong kontak aja kalo ada show di daerah tangerang or bintaro….